ஏகாந்தம் இனிது

மலருந்தோறும்

கொய்து கொண்டு போய்விடுகிறாயே சின்னக்குருவியே

உன் பின்னவன் உறும் ஏமாற்றம்

உணர்வாயா நீ

பொறுமையாய் ஊர்ந்து வந்துகொண்டிருக்கும்

இந்த வெயில் புசிக்கவென

ஒன்றிரண்டோ

துழாவித்துழாவி பரிதவிக்கும்

வண்ணத்துப்பூச்சிகளுக்கென சிலவோ

எதுவுமின்றி

கொறித்துச் சிதறடிக்கும் நீ

நானுமொரு தாவரமென

எண்ண விடாது

துளிர்க்குந்தோறும் துடைத்துச்செல்

ஏகாந்தமாயிருப்பேன்.