உச்சியில் கிருஷ்ணர் கொண்டை
சுற்றப்பட்ட பூச்சரம்
காகத்தின் இறகாய் புருவத்தீற்றல்
குருவிக்கால் மையெழுதி
கன்னத்தில் திருஷ்டிப்பொட்டிட்டு
காலில் கச்சப்புரம் அணிவிக்கிறாள் நல்லாச்சி
திட்டுத்திட்டாய் பவுடர் இழுகியிருந்தால்தானென்ன
பட்டுப்பாவாடை குலுங்க
வளைய வரும் பேத்தி ஜொலிக்கிறாள்
அத்தனை நட்சத்திரங்களிடையே
வீற்றிருக்கும் பாலாம்பிகையாய்.
No comments:
Post a Comment