வலம் வரும் நினைவுகள்...

புரியாத புதிரொன்றில்

மூழ்கி முத்தெடுத்து

மூச்சு முட்டி வெளியே வந்தேன்;

மறுபடியும் சிரித்து வைக்கிறாயே!!

இன்னொரு புதிராக;

திக்குமுக்காடிப்போகிறேன் நான்....

கன்னம்தொட்டு நீர் துடைத்து,

மடி தந்த அக்கணத்தில்;

மகளே,

தாயுமானாய் நீ;

கரைந்து போகிறேன்...

உயிரைப்பிய்த்துக் கொடுத்தபின்னான

வலியின் காயத்திற்கு

புன்னகை மருந்திடும்

இறக்கைகளில்லா செல்லதேவதை நீ;

லேசாகிப்போகிறேன்...

பாசமுடன் பாசாங்கும்காட்டி

பிரிந்து சென்ற

உன் இருப்பை உணர்த்திச்செல்கிறது,

வெற்றுக்கூட்டில் எதிரொலிக்கும்

நிசப்தமான கொலுசொலி;

எனது வெறுமைக்கு துணையாக..

பெருமூச்செறிகிறேன்......

(படம்: சுட்டது:-))