பாப்பா பேருக்கொரு
சீட்டெடுத்துப்போடு ஆத்தா மீனாச்சி
சீட்டை உருவியெறிந்துவிட்டு
நெல்மணிகள் அணைக்காத பசி நெருப்புடன்
கூண்டுக்குள் திரும்பி முடங்குகிறது பசுங்கிளி
சோகமாகிறாள் நல்லாச்சி மடியமர்ந்திருக்கும் பேத்தி
நெல்மணிகளை ஈந்துவிட்டு
காற்றைப் புசிப்பவன்
சீட்டுகளை மறுபடியும் அடுக்கத்துவங்குகிறான்
மீனாச்சிக்கு விடுதலையெப்போ
அவ சுதந்திரமாய்ப் பறப்பதுதானெப்போ
வேண்டி வருந்தும் பேத்தியை ஏறிட்டு
அடித்தொண்டையில் அழுகிறது கிளி
கதவென்னவோ திறந்துதானிருக்கிறது.
