Pages

Friday, December 10, 2010

எழுதிச்செல்லும்..


நூலறுந்த பட்டமாய்
உயரப்பறக்கும் கற்பனைகளுடன்
எழுதிச்செல்கிறது
கவிதையொன்று.. தன்னைத்தானே;
ஊர்ந்து செல்லும் எழுத்தெறும்புகள் ..
சுமந்து செல்லும்,
கொஞ்சம் கனவுகளையும்
ஓய்வெடுத்துச்செல்லும்
சில வண்ணத்துப்பூச்சிகளையும்..
ஒருசில நெருப்பூக்களையும்.
சிலசமயங்களில்
கவிதைகளாகவே இருக்கின்றன;
போகிறபோக்கில் குழந்தை
சிந்திச்செல்லும் புன்னகைகளும் ..
அள்ளிச்சேர்த்தபின்னும்
மீதமிருக்கும்
மழைமுத்துக்களாய்..
பிரபஞ்சமெங்கும்
நிரம்பிச்சொரிந்துகொண்டே
இருக்கின்றன கவிதைகள்..



14 comments:

ராமலக்ஷ்மி said...

//அள்ளிச்சேர்த்தபின்னும்
மீதமிருக்கும்
மழைமுத்துக்களாய்..
பிரபஞ்சமெங்கும்
நிரம்பிச்சொரிந்துகொண்டே
இருக்கின்றன கவிதைகள்..//

உண்மைதான். இந்த மழை முத்தினை ரசித்தேன். அருமை சாரல்.

LK said...

அருமை சகோ. இப்ப என்ன வரிசையா கவிதையா வருது

அமைதிச்சாரல் said...

வாங்க ராமலஷ்மி,

எல்லாவற்றிலும் ஏதாவது ஒரு கவிதை ஒளிந்துகொண்டிருக்கிறது போலிருக்கு :-)))

ரசிச்சதுக்கு நன்றி..

அமைதிச்சாரல் said...

வாங்க எல்.கே,

உணர்ந்ததை இப்படித்தான் சுலபமா சொல்லமுடியுது. விஸ்தாரமா விவரிச்சு எழுதறதைவிட சுருங்கச்சொல்லி விளங்கவைத்தல் ரொம்ப பிடிச்சிருக்கு அவ்ளோதான் :-))

இன்னிக்கு ஒரு புது இடுகையும் போட்டிருக்கேனே.. பார்க்கலையா ???

நன்றி..

பிரபு . எம் said...

ரொம்ப அழகான வரிகள்.... வார்த்தைத் தெரிவுகள்....
அதைவிட நான் ரசித்தது தெளிவான அந்த ஃப்ளோ..
வாழ்த்துக்கள்... உங்களைத் தொடர்கிறேன்...

மாணவன் said...

//போகிறபோக்கில் குழந்தை
சிந்திச்செல்லும் புன்னகைகளும் ..
அள்ளிச்சேர்த்தபின்னும்
மீதமிருக்கும்
மழைமுத்துக்களாய்..
பிரபஞ்சமெங்கும்
நிரம்பிச்சொரிந்துகொண்டே
இருக்கின்றன கவிதைகள்..//

அருமையான வரிகள்...

சிறப்பாக பதிவு செய்துள்ளீர்கள்

தொடரட்டும் உங்கள் பொன்னான பணி

கல்பனா said...

பிரபஞ்சமெங்கும்
நிரம்பிச்சொரிந்துகொண்டே
இருக்கின்றன கவிதைகள்..///
உண்மைதான்.ரசித்தேன்.அருமை சகோ.

பத்மா said...

ரொம்ப அழகா இருக்குங்க

ஸாதிகா said...

அருமையான வரிகள் அமைதிச்சாரல்.

அமைதிச்சாரல் said...

வாங்க பிரபு,

ரசிச்சதுக்கும், தொடர்வதற்கும் நன்றி..

அமைதிச்சாரல் said...

வாங்க மாணவன்,

நன்றிங்க..

அமைதிச்சாரல் said...

வாங்க கல்பனா,

நன்றிங்க..

அமைதிச்சாரல் said...

வாங்க பத்மா,

நன்றிங்க..

அமைதிச்சாரல் said...

வாங்க ஸாதிகா,

நன்றிங்க..