இவற்றுக்காகவும்தான்..

செய்திகள் கடத்தும் தூதுவராய்
வகுப்பறையிலும்,
கடிதம் சுமக்கும் தபால்காரராய்
காதலரிடையேயும்,
வகுப்புக்குச்செல்லாத மாணவன் உறங்கும்
பசும்புல்வெளியில்

தலையணையாகவும்

பட்டியல் கணக்கில் சிலவற்றைக் கூட்டவும்
அலமாரிகளை நிரப்பும்பொருட்டும்
அடுக்கி வைத்து
அழகு பார்க்கவும்
வாசிப்பின் ஆழ அகலங்களைப்
பறை சாற்றிக்கொள்ளவும்
மட்டுமன்றி,
வெப்பமிகு மதிய வேளைகளின்
காத்திருப்புப் பொழுதுகளிலும்
கை கொடுக்கின்றன
புத்தகங்கள்
விசிறிக்கொள்வதற்காகவும்.