என் பூனை இரக்கசுபாவி
உறிப்பாலைத் திருடுவதில்லை
கறிச்சட்டிகளை உருட்டுவதில்லை
என் மதியஉறக்கம் கலையாவண்ணம்
காலடியில் சுருண்டு கொள்ளும்
என்னவொன்று
தொட்டியிலிருக்கும் மீன்கள்தான்
அவ்வப்போது
காணாமற் போய்விடுகின்றன
மீசை வைத்த மீனை
என் பூனை
குரோதத்துடன் பார்த்தபோதே
புரிந்திருக்க வேண்டுமெனக்கு
என் கண்ணிலிருந்து அதன் நகங்கள்
ரத்தம் வழியவிட்டபோதும்
நானே குற்றவாளியென ஆவதில்
அதற்குப் பெரும்மகிழ்ச்சி
என் பூனை
உடனடியாகக் கொல்லாது
ஏனெனில்
அது இரக்கசுபாவி.
0 comments:
Post a Comment