தர்க்கம் விழாமல்
பசுவும் நிறைகுழியுமாக
முத்துக்களை அள்ளும் நல்லாச்சியை
அதிசயித்துப் பார்க்கிறாள்
பல்லாங்குழியை முன்பின் கண்டிராத பேத்தி
ஆட்டம் துவங்கிய சில நொடிகளிலேயே
எதிராளியை
வெறும் குழிகளுடன் நிற்கச்செய்த
நல்லாச்சியின் சாமர்த்தியத்தை
வியக்கும் பேத்தியிடம்
ஆச்சி ஒருநாளும் சொன்னதேயில்லை
வியாபார காந்தங்களாக
மாற நினைத்த மகன்களிடமிருந்து
பெரும்பான்மை சொத்தைக்
காப்பாற்றவியலா
தன்னுடைய கையறுநிலையை.
0 comments:
Post a Comment